Atualità
Cunvëni sun l nseniamënt de rujenedes, dai 28 ai 30 utober a Urtijëi
USP - Nsenië la rujenedes ai mëndri te chëla che n les adrova per purté dant cuntenuc d’autra materies: chësc sarà l argumënt zentrel dl cunvëni dai 28 nchin ai 30 de utober a Urtijëi. La metodologies nueves de nseniamënt unirà tratedes da feter 200 reprejentanc de cin mendranzes. La Ntendënza Ladina deberieda cun i Istituc Pedagogics de rujeneda ladina y taliana nvieia nsenianc, esperc y duc i nteressei.
La metodologia „CLIL“ per l nseniamënt dla rujenedes tla scolina y ti prims ani dla scola elementera se nuzea dla rujeneda sciche mesun per l nseniamënt de d’autri cuntenuc. Per la scolina y scola ladina se tratel de mpulsc nueves per cumpleté, ntegré y miuré l nseniamënt dla rujenedes. A Urtijëi unirà adalerch i cumëmbri dla rë de mendranzes „Local Lingue infanzia“, n proiet de mendranzes dla Talia cun reprejentanc francoprovenzai dl Piemont, furlans, arbresh dla Calabria y dl Molise, grecans dla Puglia. N se aspieta nchin a 200 persones.
L prim de trëi dis de cunvëni, n juebia 28 de utober, ie unì dedicà al Di Pedagogich dla Scolina Ladina. Per chësta rejon resta la scolines ladines n chël di stlutes.
Duc i nteressei y i reprejentanc di media ie nviei,
n juebia 28 de utober
dala 9 danmesdì
tla Cësa de Cultura a Urtijëi.
as
