Atualità
Dumandes de cuntribuc per sculeies nchin ai 31 de utober
USP – Chi che va a scola de ublianza possa nchin ai 31 de utober fé dumanda per cuntribuc per chësc ann de scola. Chësc vën fat al savëi dal Ufize provinziel per assistënza scolastica che à udù dant 230 cuntribuc da 2.800 Euro.
La dumandes possa fé duc chëi che ntan l ann de scola 2008-09 va a na scola de ublianza tl Südtirol, unfat sce ie oradecà de albierch o te na cësa per studënc. Per giapé l cuntribut muessen avëi la residënza tla Provinzia de Bulsan y nia avëi n davani de familia majer de 21.000 Euro.
L vën nce damandà che i sculeies ne giape nia bel n auter cuntribut per jì a scola, sibe da la man publica, che da privac. Sce n possa sté debant de albierch ora dla familia, ne giaten ënghe nia l cuntribut.
Chiche che possa respeté i criteries y uel damandé l cuntribut per jì ala scola de ublianza, giapa l formuler aldò tl Ufize provinziel per assistënza scolastica a Bulsan, streda Andreas Hofer 18. Nfurmazions plu avisa giaten nce cherdan su i numeri 0471 413305, 0471 413344, 0471 412924 o 0471 412925. Velch de plu ie nce publicà sun la plates provinzieles tl internet sota www.provinz.bz.it/bildungsfoerderung.
Chël che vën dat sëura tla dumandes vën cialà do dala Provinzia tres proves a cajo.
as
