Atualità
Homepage dl Museum Natöra sëgn ince por ladin y sön le zelular
USP - La plata web dl Museum Natöra, cina sëgn scrita por todësch, talian y inglesc, é gnüda ampliada cun le ladin, le terzo lingaz provinzial. Implü po la plata web gnì cherdada sön le zelular.
Informaziuns importantes sön le Museum Natöra, la flora y la fauna de Südtirol sciöch’inće sön la geologia po śëgn gnì consultades dai ladins te so lingaz dla uma sot a www.naturmuseum.it.Sc’an é söl iade, àn la poscibilité de s’informè sön le Museum Natöra tres le zelular; te vigni localité y a vign’ora pon cherdè les informaziuns plü importantes sön le zelular. Chësc sorvisc é a desposiziun tl format XHTML por i modei de zelular plü nüs. XHTML vëgn sostignì da na gran pert di zelulars venüs ti ultimi agn. Chësc sorvisc dl zelular é disponibl sot ala misciun web http://www.naturmuseum.it/mobile. Dailò ciafëise informaziuns sön le Museum Natöra en general, sön les mostres permanëntes, les mostres tematiches, les manifestaziuns y les novitês, l’archirida, la didatica dl museum, la planificaziun dles vijites tl museum sciöch’inće sön les misciuns de contat.
Por informaziuns plü avisa y les indicaziuns sciöch’an istalëia le sorvisc sön Osc zelular ćiarede sot a http://naturmuseum.it/de/522.htm.
USP
