Atualità
La Provinzia sostëgn l’ativité de formaziun culturala tles valades ladines
USP - Dan da püch à la Junta provinziala resservè la soma de 34.000 euro por l’ativité de formaziun culturala tles valades ladines. Dantadöt i damananc che elaborëia media ladins podarà se jovè de chisc contribuc.
Sön domanda dl assessur ladin Florian Mussner ti à la Junta provinziala assegné a dodesc damananć n contribut por süa ativité de formaziun culturala tles valades ladines. Indöt él gnü resservè 34.000 euro por chësta sort de contribuć. “Chisc scioldi dess dantadöt jì a bëgn de chës porsones o istituziuns che tres la realisaziun de films, libri, cassëtes, catalogs cheriëia valch che resta por la cultura ladina” à splighé l’assessur Mussner. De majeri contribuć él insciö gnü odü danfora por proieć de libri o films che reverda la storia, les tradiziuns, la musiga, l’ert y les lies dla Ladinia. Implü gnaràl inće dè fora de mëndri contribuć por l’ativité de formaziun culturala en general sciöche por ejëmpl por cursc.USP
